23 பேருடன் சென்ற ஈரான் கப்பலை கடத்திய சோமாலிய கடற்கொள்ளையர்கள்!

இந்தக் கப்பலில் 21 ஈரானிய மீனவர்களும், 2 சோமாலியப் பாதுகாப்புப் பணியாளர்களும் அடங்கலாக மொத்தம் 23 பேர் பயணித்துள்ளனர். 

கடத்தப்பட்ட கடற்பகுதியில் உள்ளவர்களின் தற்போதைய நிலை மற்றும் பாதுகாப்பு குறித்த எந்தவொரு தகவலும் இன்னும் வெளியாகவில்லை.  

ஐரோப்பிய ஒன்றியத்தின் கடல்சார் பாதுகாப்பு மையம் (MSCIO) இந்தச் சம்பவத்தை உறுதிப்படுத்தியுள்ளதுடன், கடத்தப்பட்ட இந்தக் கப்பலை முதன்மைத் தளமாகக் (Mother Ship) கொண்டு வணிகக் கப்பல்கள் மீது கடற்கொள்ளையர்கள் மேலதிகத் தாக்குதல்களை நடத்தக்கூடும் என எச்சரித்துள்ளது. 

இதனால் அப்பகுதியில் பயணிக்கும் வணிகக் கப்பல்கள் தீவிரக் கண்காணிப்புடன் இருக்குமாறு கேட்டுக்கொள்ளப்பட்டுள்ளன.