மொராக்கோ வரலாற்றில் வரலாற்றுச் சாதனை: நாட்டின் முதல் பெண் பிரதமராகப் பாத்திமா எஸ்ஸஹ்ரா நியமனம்!

நடைபெற்று முடிந்த பாராளுமன்றத் தேர்தலில், பாத்திமா எஸ்ஸஹ்ராவின் 'அசல்தன்மை மற்றும் நவீனத்துவக் கட்சி' (PAM) வெற்றி பெற்றதைத் தொடர்ந்து, மன்னர் அவருக்கு இந்த உயர் பொறுப்பை வழங்கியுள்ளார். அரபு உலகில் பிரதமர் பதவி வகிக்கும் இரண்டாவது பெண்மணி என்ற பெருமையையும் இவர் பெறுகிறார்.

1976-ஆம் ஆண்டு மராகேச் நகரில் பிறந்த பாத்திமா எஸ்ஸஹ்ரா, தொழில்முறையில் ஒரு சட்டத்தரணி (Lawyer) ஆவார். பிரான்ஸ் நாட்டில் சட்டக் கல்வியை முடித்து, வணிகம் மற்றும் சொத்துச் சட்டம் தொடர்பான சட்ட நிறுவனத்தை நடத்தி வந்தார்.

2008-ஆம் ஆண்டில் அரசியலில் நுழைந்த இவர், 2009-ஆம் ஆண்டு மொராக்கோவின் வரலாற்று முக்கியத்துவம் வாய்ந்த மராகேச் நகரின் முதல் பெண் மேயராகத் தேர்ந்தெடுக்கப்பட்டு உலக அளவில் கவனம் ஈர்த்தார். பின்னர், நகரமைப்பு மற்றும் வீட்டுவசதித் துறை அமைச்சராகப் பணியாற்றிய அனுபவமும் இவருக்கு உண்டு.

பெண்களின் உரிமைகள், சமூக நவீனமயமாக்கல், பொருளாதார சீர்திருத்தம் மற்றும் வேலைவாய்ப்பு உருவாக்கத்தில் தீவிர அக்கறை கொண்ட பாத்திமா எஸ்ஸஹ்ராவின் நியமனம், மொராக்கோவிலும் அரபு உலகிலும் பெண்கள் அதிகாரமளித்தலில் ஒரு முக்கிய மைல்கல்லாகப் பார்க்கப்படுகிறது.