யாழ்ப்பாணத்தில் சட்டவிரோத மாடறுப்புக்கூடம் முற்றுகை

யாழ்ப்பாணம் Osmania College அருகே இயங்கி வந்ததாகக் கூறப்படும் சட்டவிரோத மாடறுப்புக்கூடம் ஒன்றை பொலிஸார் இன்று முற்றுகையிட்டுள்ளனர்.

இரகசிய தகவலின் அடிப்படையில் மேற்கொள்ளப்பட்ட இந்த நடவடிக்கையில், இறைச்சியாக்குவதற்காக கட்டி வைக்கப்பட்டிருந்த நான்கு மாடுகள் உயிருடன் மீட்கப்பட்டுள்ளன.

அத்துடன், சுமார் 58 கிலோகிராம் மாட்டிறைச்சியும் பொலிஸாரால் கைப்பற்றப்பட்டுள்ளது.

இந்த சம்பவம் தொடர்பாக 43 வயதுடைய ஒருவர் கைது செய்யப்பட்டுள்ளார்.

மீட்கப்பட்ட மாடுகள் மற்றும் கைப்பற்றப்பட்ட மாட்டிறைச்சி தொடர்பாகவும், மாடுகள் திருடப்பட்டவையா என்பது குறித்தும் பொலிஸார் மேலதிக விசாரணைகளை முன்னெடுத்து வருகின்றனர்.

கைது செய்யப்பட்ட சந்தேகநபரிடமும் விசாரணைகள் தொடர்ந்து இடம்பெற்று வருகின்றன.