இலங்கையில் மோசமான வானிலையால் 5,500-க்கும் மேற்பட்டோர் பாதிப்பு!

தற்போதைய மழைக்கால வானிலை காரணமாக 166 பிரதேச செயலகப் பிரிவுகளில் உள்ள 1,594 குடும்பங்களைச் சேர்ந்த மொத்தம் 5,747 பேர் பாதிக்கப்பட்டுள்ளனர். இந்த மோசமான வானிலை காரணமாக இதுவரை 8 பேர் உயிரிழந்துள்ளதுடன், ஒருவர் காணாமல் போயுள்ளார்.

மேலும் 12 பேர் காயமடைந்துள்ளனர். அத்துடன், கனமழை காரணமாக 4 வீடுகள் முழுமையாகவும், 953 வீடுகள் பகுதியளவிலும் சேதமடைந்துள்ளதாக அந்த அறிக்கையில் குறிப்பிடப்பட்டுள்ளது.

மறுபுறம், நாட்டின் பல்வேறு பகுதிகளில் வறட்சி நிலமையும் தொடர்ந்து வருகிறது. அதன்படி, 12 மாவட்டங்களில் உள்ள 32 பிரதேச செயலகப் பிரிவுகளில் வசிக்கும் 47,583 குடும்பங்களைச் சேர்ந்த 156,756 பேர் வறட்சியால் பாதிக்கப்பட்டுள்ளதாகவும் அனர்த்த முகாமைத்துவ நிலையம் தெரிவித்துள்ளது.