'Gen Z' மற்றும் 'மிலேனியல்' தலைமுறையைக் கவராவிட்டால் வெற்றி சாத்தியமில்லை: ரணில் சுட்டிக்காட்டு!

கொழும்பு சிறி கொத்தவிலுள்ள ஐக்கிய தேசியக் கட்சியின் தலைமையகத்தில் நடைபெற்ற செயற்குழுக் கூட்டத்தில் உரையாற்றியபோதே அவர் இதனைச் சுட்டிக்காட்டினார்.

ஐக்கிய தேசியக் கட்சியும் ஐக்கிய மக்கள் சக்தியும் இணைவதால் மட்டுமே வெற்றிபெற முடியாது எனக் குறிப்பிட்ட அவர், 'Gen Z' மற்றும் 'மிலேனியல்' உள்ளிட்ட புதிய தலைமுறை இளைஞர்களைக் கட்சியுடன் இணைத்துக் கொள்வது அவசியம் என்றார்.

பாரம்பரியப் பாதையைக் கைவிட்டு, கட்சி அமைப்பில் முழுமையான மறுசீரமைப்பை மேற்கொள்வதன் மூலமே எதிர்கால அரசியல் வெற்றிகளைச் சாதிக்க முடியும் என்றும் அவர் வலியுறுத்தினார்.