இசைஞானி இளையராஜாவின் நீண்டகால இசைத் தோழர் சதானந்தம் உடல்நலக்குறைவால் காலமானார்!

வயது முதிர்வு மற்றும் உடல்நலக் குறைவு காரணமாக அவதிப்பட்டு வந்த அவர், இன்று காலை ஏற்பட்ட மூச்சுத் திணறல் காரணமாக உயிரிழந்ததாகக் குடும்பத்தினர் தெரிவித்துள்ளனர்.  

பிரபல இசையமைப்பாளர் ஆர். சுதர்சனத்தின் மகரான சதானந்தம், இளையராஜாவின் முதல் படமான 'அன்னக்கிளி' தொடங்கி பல்லாயிரக்கணக்கான பாடல்களுக்கு கிதார் வாசித்துத் தமிழ்த் திரிவுலகில் நீங்கா இடம் பிடித்தவர். 

பல மறக்க முடியாத பாடல்களின் இடையிசையிலும், தொடக்க இசையிலும் இவரது கிதார் வாசிப்பு ரசிகர்களைக் கவர்ந்த முக்கிய அம்சமாகும்.  

இளையராஜாவின் இசைக்குழுவோடு பல தசாப்தங்களாகப் பயணித்ததுடன், வெளிநாட்டு மேடை இசை நிகழ்ச்சிகளிலும் தொடர்ச்சியாகப் பங்கெடுத்து வந்த சதானந்தத்தின் மறைவு, திரையுலகினர் மற்றும் இசை ரசிகர்கள் மத்தியில் பெரும் அதிர்ச்சியையும் சோகத்தையும் ஏற்படுத்தியுள்ளது. 

இவரது மறைவுக்குத் திரைப்பிரபலங்கள் பலரும் தங்களது ஆழ்ந்த இரங்கல்களைத் தெரிவித்து வருகின்றனர்.