50-வது பிறந்தநாளில் நெகிழ்ச்சியான அறப்பணி: 5,000 ஏழைத் தாய்மார்களுக்குப் பட்டுச்சேலை வழங்கிய நடிகர் ராகவா லாரன்ஸ்!

வயோதிக பாட்டி ஒருவர் தனக்குப் பட்டுச்சேலை அணிந்து விசேஷங்களுக்குச் செல்ல ஆசை இருப்பதாகக் கடிதம் மூலம் தெரிவித்ததை அடுத்து, தான் முதன்முதலில் சம்பாதித்த பணத்தில் தனது தாயாருக்குப் பட்டுச்சேலை வாங்கித் தந்த நினைவை லாரன்ஸ் நெகிழ்ச்சியுடன் சுட்டிக்காட்டியுள்ளார்.

இதன் தொடர்ச்சியாக, வறுமை காரணமாகப் பட்டுச்சேலை உடுத்த ஆசைப்பட்டும் நிறைவேற்ற முடியாத தாய்மார்கள் மற்றும் பாட்டிமார்களின் கனவை நனவாக்கும் வகையில் இப்புதிய திட்டத்தை அவர் ஆரம்பித்துள்ளார்.

திரையுலகைக் கடந்து 'மாற்றம்' அறக்கட்டளை உள்ளிட்ட மனிதநேய உதவிகள் மூலம் ஆயிரக்கணக்கானோருக்கு உதவி வரும் ராகவா லாரன்ஸின் இந்த நெகிழ்ச்சியான பிறந்தநாள் நற்செயலுக்குப் பல்வேறு தரப்பினரும் தங்களது வாழ்த்துகளையும் பாராட்டுக்களையும் தெரிவித்து வருகின்றனர்.