நிதிக்குற்றப் புலனாய்வுப் பிரிவில் நாமல் ராஜபக்ஷ: தீவிர விசாரணைகளுடன் பதிவு செய்யப்படும் வாக்குமூலம்!

இலங்கை பொதுஜன பெரமுனவின் தேசிய அமைப்பாளரும் பாராளுமன்ற உறுப்பினருமான நாமல் ராஜபக்ஷ இன்று காலை நிதிக்குற்றப் புலனாய்வுப் பிரிவில் (FCID) முன்னிலையாகியுள்ளார்.

நிதிக்குற்றப் புலனாய்வுப் பிரிவினால் முன்னெடுக்கப்பட்டு வரும் தொடர் விசாரணைகள் தொடர்பில் வாக்குமூலம் வழங்குவதற்காகவே அவர் அழைக்கப்பட்டிருந்தார்.

அழைப்பாணைக்கு அமைவாக இன்று காலை புலனாய்வுப் பிரிவு அலுவலகத்திற்கு வருகை தந்த நாமல் ராஜபக்ஷவிடம் அதிகாரிகள் தீவிர விசாரணைகளை மேற்கொண்டு வாக்குமூலத்தைப் பதிவு செய்து வருகின்றனர்.

இவ்விசாரணைகள் குறித்த மேலதிக தகவல்கள் விரைவில் எதிர்பார்க்கப்படுகின்றன.