இயற்கை இடர்பாடுகளிலிருந்து தேயிலைத் தோட்டங்களைப் பாதுகாக்க புதிய காப்பீடு!

சீரற்ற காலநிலை மாற்றங்கள், வறட்சி, இயற்கை அனர்த்தங்கள் அத்துடன் பூச்சித் தாக்குதல்களால் தேயிலைத் தோட்டங்களுக்கும் தேயிலைக் கன்றுகளுக்கும் ஏற்படும் சேதங்களை எதிர்கொள்ளும் வகையில் இப்புதிய காப்பீட்டுத் திட்டம் வடிவமைக்கப்பட்டுள்ளது.

இதன்மூலம் சிறுதேயிலைத் தோட்ட உரிமையாளர்கள், பெரிய அளவிலான பயிர்ச்செய்கையாளர்கள் மற்றும் தேயிலைக் கன்று வளர்ப்பாளர்கள் தங்களுக்கு ஏற்படும் இழப்புகளுக்குத் தகுந்த நிதிப் பாதுகாப்பைப் பெற்றுக்கொள்ள முடியும்.

காலநிலை அச்சுறுத்தல்களிலிருந்து பெருந்தோட்டத் துறையைப் பாதுகாத்து, நாட்டின் தேயிலை உற்பத்தியை ஸ்திரப்படுத்தும் இந்தத் திட்டம் தொடர்பான மேலதிக விபரங்களையும் விண்ணப்பப் படிவங்களையும் மாவட்ட விவசாய காப்பீட்டுச் சபை அலுவலகங்கள் ஊடாகவோ அல்லது 1918 என்ற துரித சேவை இலக்கத்தைத் தொடர்புகொள்வதன் மூலமாகவோ பெற்றுக்கொள்ள முடியும் என அறிவிக்கப்பட்டுள்ளது.