சபாநாயகருக்கு எதிரான நம்பிக்கையில்லாப் பிரேரணை: இன்று பாராளுமன்றத்தில் அனல் பறக்கும் விவாதம்!

எதிர்க்கட்சித் தலைவர் சஜித் பிரேமதாச தலைமையில் நேற்று (08) எதிர்க்கட்சித் தலைவர் அலுவலகத்தில் நடைபெற்ற நிகழ்வில், பிரேரணிக்கான முதல் கையெழுத்தை சஜித் பிரேமதாச பதித்தார்; தொடர்ந்து எம்பிக்கள் பலர் இதில் கையெழுத்திட்டனர்.

பாராளுமன்ற நடைமுறைகளைக் கையாளும்போது சபாநாயகர் சார்புடனும், ஜனநாயகத்துக்கு முரணாகவும் செயற்பட்டதாகக் குற்றம் சாட்டப்பட்டுள்ளது. மேலும், ஐக்கிய மக்கள் சக்தி முன்னர் சமர்ப்பித்த சிறப்புரிமைப் பிரச்சினைகள் மற்றும் பிரேரணைகளை உரிய காரணமின்றி நிராகரித்ததாகவும் எதிர்க்கட்சி தரப்பு குற்றம் சுமத்துகிறது.

எதிர்க்கட்சி உறுப்பினர்களால் கையொப்பமிடப்பட்ட இந்த நம்பிக்கையில்லாப் பிரேரணை, பாராளுமன்ற செயலாளர் நாயகத்திடம் இன்று அதிகாரப்பூர்வமாகக் கையளிக்கப்படவுள்ளதாக பாராளுமன்ற உறுப்பினர் அஜித் பி. பெரேரா தெரிவித்துள்ளார்.