கேரள கஞ்சாவுடன் புத்தளம் முன்னாள் நகரசபை உறுப்பினர் கைது!

பொலிஸ் போதைப்பொருள் ஒழிப்புப் பணியகத்திற்குக் கிடைத்த இரகசியத் தகவலின் அடிப்படையில், புத்தளம் தில்லையடிப் பகுதியில் மேற்கொள்ளப்பட்ட விசேட தேடுதல் நடவடிக்கையின் போதே இவர் கைது செய்யப்பட்டுள்ளார்.

தில்லையடியிலிருந்து புத்தளம் நகரத்தை நோக்கி மோட்டார் சைக்கிளில் கேரள கஞ்சாவைக் கடத்திச் சென்றபோதே, பொலிஸார் குறித்த மோட்டார் சைக்கிளை இடைமறித்துச் சோதனையிட்டு அதில் மறைத்து வைக்கப்பட்டிருந்த கஞ்சாவைக் கைப்பற்றியுள்ளனர்.

கைப்பற்றப்பட்ட கேரள கஞ்சா மற்றும் கடத்தலுக்குப் பயன்படுத்தப்பட்ட மோட்டார் சைக்கிளுடன் சந்தேகநபர் புத்தளம் நீதவான் நீதிமன்றத்தில் ஆஜர்படுத்தப்படவுள்ளதுடன், சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.