மனித உரிமைகள் ஆணைக்குழுவின் புதிய தலைவராக ஓய்வுபெற்ற நீதியரசர் விஜித் மலல்கொட நியமனம்!

முந்தைய உறுப்பினர்களின் பதவிக்காலம் நிறைவடைந்ததை அடுத்து ஏற்பட்ட வெற்றிடங்களை நிரப்பும் வகையில் இந்நியமனங்கள் மேற்கொள்ளப்பட்டுள்ளன.

இதற்கமைய, ஆணைக்குழுவின் புதிய உறுப்பினர்களாக எஸ்.ஒய்.எம். கோம்ஸ், ஏ.எல்.ஏ. அஸீஸ், கலாநிதி எஸ்.எஸ்.எஸ்.பி.டி.எச். ஜெயவர்தன மற்றும் பேராசிரியர் டி. ஜெயசிங்கம் ஆகியோர் நியமிக்கப்பட்டுள்ளனர்.

நியமனக் கடிதங்களை ஜனாதிபதியின் செயலாளர் கலாநிதி நந்திக சனத் குமாநாயக, ஜனாதிபதி செயலகத்தில் வைத்து புதிய உறுப்பினர்களிடம் அதிகாரப்பூர்வமாகக் கையளித்தார்.