காரைநகர் செல்ல வந்த 15 வயதுச் சிறுமிகளுக்கு அதிர்ச்சி: ஏமாற்றி அழைத்துச் சென்று தவறாக நடக்க முயன்ற ஆட்டோ சாரதி கைது!

கிளிநொச்சி பகுதியைச் சேர்ந்த 15 வயதுடைய இரு சிறுமிகள் காரைநகருக்குச் செல்வதற்காகப் பயணத்தை மேற்கொண்டுள்ளனர். இதன்போது, அவர்களைத் தனது முச்சக்கரவண்டியில் ஏற்றிச் சென்ற சாரதி, காரைநகருக்கு அழைத்துச் செல்லாமல் மாதகல் பகுதிக்கு ஏமாற்றி அழைத்துச் சென்றுள்ளார்.

அங்கு வைத்து அச்சிறுமிகளிடம் தவறான முறையில் நடந்துகொள்ள முயற்சித்ததாகக் கூறப்படுகிறது. இதனால் அதிர்ச்சியடைந்த சிறுமிகள் கூச்சலிட்டதை அடுத்து, அப்பகுதி மக்கள் மற்றும் பொலிஸாரின் தலையீட்டால் சாரதி மடக்கிப் பிடிக்கப்பட்டார்.

இச்சம்பவம் தொடர்பில் வழக்குப் பதிவு செய்துள்ள பொலிஸார், கைது செய்யப்பட்ட சாரதியிடம் தீவிர விசாரணைகளை மேற்கொண்டு வருவதுடன், அவரை நீதிமன்றத்தில் ஆஜர்படுத்துவதற்கான நடவடிக்கைகளையும் எடுத்து வருகின்றனர்.