கொழும்புக்கு மீண்டும் வருகை தந்துள்ளது அமெரிக்க கடற்படையின் யுஎஸ்எஸ் கன்பெரா கப்பல்!

இந்த ஆண்டில் ‘யுஎஸ்எஸ் கன்பெரா’ கப்பல் கொழும்பு துறைமுகத்திற்கு வருகை தரும் இரண்டாவது சந்தர்ப்பம் இதுவாகும்.இலங்கை வந்தடைந்த அமெரிக்கக் கடற்படைக் கப்பலுக்கு, இலங்கை கடற்படையினரால் முறைப்படி கடற்படை மரபுகளுக்கு அமைவாக வரவேற்பு அளிக்கப்பட்டது.

இந்த விஜயத்தின் போது, இலங்கை கடற்படையினருடனான பரஸ்பர உறவை வலுப்படுத்துதல், எரிபொருள் மற்றும் உணவுப் பொருட்கள் உள்ளிட்ட அத்தியாவசியத் தேவைகளைப் பூர்த்தி செய்தல் போன்ற நடவடிக்கைகள் முன்னெடுக்கப்படவுள்ளதாகத் தெரிவிக்கப்படுகிறது.

இந்தியப் பெருங்கடல் பிராந்தியத்தில் அமைதி மற்றும் ஸ்திரத்தன்மையை உறுதிப்படுத்தும் நோக்கில், இலங்கை மற்றும் அமெரிக்கக் கடற்படைகளுக்கு இடையிலான இருதரப்பு ஒத்துழைப்பின் ஒரு பகுதியாகவே இந்த விஜயம் அமைந்துள்ளதாகக் குறிப்பிடப்பட்டுள்ளது.