எச்சரிக்கை: வங்கி பணத்தை குறிவைக்கும் புதிய மோசடி!

இது தொடர்பில் SLCERT வெளியிட்டுள்ள அறிக்கையில் தெரிவித்துள்ளதாவது,

மோசடியில் ஈடுபடுபவர்கள் ஆரம்பத்தில் கையடக்கத் தொலைபேசி மற்றும் சமூக ஊடகங்கள் மூலமாக பாதிக்கப்பட்டவர்களை தொடர்புகொண்டு, அவர்களின் சேமிப்பு மற்றும் நிலையான வைப்புக் கணக்குகளில் உள்ள பணம் தொடர்பில் விசாரிக்கின்றனர்.

பாதிக்கப்பட்டவர்களின் வங்கிக் கணக்குகள் மற்றும் வைப்புத் தொகைகள் குறித்து தங்களுக்கு முன்கூட்டியே தகவல் இருப்பதாக கூறும் மோசடிக்காரர்கள், அந்தப் பணம் மோசடியான முறையில் சம்பாதிக்கப்பட்டதாக முறைப்பாடுகள் கிடைத்ததாகவும், அது தொடர்பாக நிதிக்கு குற்றப் புலனாய்வப் பிரிவு மூலம் விசாரணை நடத்தப்பட வேண்டும் என்றும் கூறி அவர்களை அச்சுறுத்துகின்றனர்.

பின்னர், போலியான இலங்கை மத்திய வங்கி கடிதத் தலைப்புகள், அதிகாரிகளின் போலி கையொப்பங்கள் மற்றும் ரப்பர் முத்திரைகள் பயன்படுத்தப்பட்ட கடிதங்களை அனுப்பி, பாதிக்கப்பட்டவர்களை மேலும் அச்சுறுத்துகின்றனர். இலங்கைவரலாறு

அதன் பின்னர், குறிப்பிட்ட மற்றொரு தனியார் வங்கிக் கணக்குக்கு தங்களைப் பணத்தை மாற்றமாறு பாதிக்கப்பட்டவர்களுக்கு அறிவுறுத்தப்படுவதுடன், அதற்காக ஒரு குறிப்பிட்ட வங்கிக் கணக்கு எண்ணும் வழங்கப்படுகிறது. அந்தக் கணக்குக்கு நிதிக்கு குற்றப் புலனாய்வப் பிரிவின் அதிகாரி ஒருவருக்குச் சொந்தமானது என மோசடிக்காரர்கள் கூறுகின்றனர்.