அட்டாளைச்சேனை கல்விக் கல்லூரியில் பரபரப்பு: பாலியல் புகாரில் 55 வயது விரிவுரையாளர் கைது!

தகாத காணொளி காட்டி அச்சுறுத்தல்குறித்த விரிவுரையாளர் கல்லூரியில் பயிலும் மாணவிகளுக்குத் தனது மொபைல் போன் மூலம் தகாத காணொளிகளைக் காட்டி பாலியல் தொல்லை கொடுத்து வந்துள்ளார். மேலும், அவர் கல்லூரிப் பாடங்களுக்கான மதிப்பெண்களை வழங்கும் முக்கிய பொறுப்பில் இருந்துள்ளார்.

இச்செயல் குறித்து நிர்வாகத்திடமோ அல்லது பொலிஸாரிடமோ புகார் அளித்தால், பாடங்களில் மதிப்பெண்களைக் குறைத்துத் தோல்வியடையச் செய்வதாகக் கூறி மாணவிகளைத் தொடர்ந்து அச்சுறுத்தியுள்ளார். இதன் காரணமாக, எதிர்காலம் பாழாகிவிடுமோ என்ற அச்சத்தில் பாதிக்கப்பட்ட மாணவிகள் எவ்விதப் புகாரும் செய்யாமல் மௌனம் காத்து வந்துள்ளனர்.

இச்சம்பவம் குறித்து அம்பாறை மாவட்ட சிரேஷ்ட பொலிஸ் அத்தியட்சகருக்குக் கிடைத்த இரகசியத் தகவலையடுத்து, விசாரணைகள் உடனடியாக ஆரம்பிக்கப்பட்டன.தொடர்ந்து, அம்பாறை மாவட்ட சிறுவர் மற்றும் மகளிர் பணியக விசேட பொலிஸ் குழுவினர் கல்லூரிக்குச் சென்று பாதிக்கப்பட்ட மாணவிகளிடம் தனியாக வாக்குமூலங்களைப் பதிவு செய்தனர். சாட்சியங்கள் உறுதி செய்யப்பட்டதைத் தொடர்ந்து சந்தேகநபரான விரிவுரையாளரைக் கைது செய்தனர்.நீதிமன்றத்தில் ஆஜர்படுத்த நடவடிக்கைகைது செய்யப்பட்ட சந்தேகநபர் அக்கரைப்பற்று நீதிவான் நீதிமன்றத்தில் முன்னிலைப்படுத்தப்படவுள்ளார். இச்சம்பவம் தொடர்பில் அம்பாறை மாவட்ட சிறுவர் மற்றும் மகளிர் பணியகப் பொலிஸார் மேலதிக விசாரணைகளைத் தீவிரமாக மேற்கொண்டு வருகின்றனர்.