‘அனோஜனுக்கு மன்னிப்பு வழங்கப்பட வேண்டும்’: ஜனாதிபதியிடம் தமிழ் பேசும் மக்களின் அரசியல் பேரவை அவசர கோரிக்கை!

இது தொடர்பாகத் தமிழ் பேசும் மக்களின் அரசியல் பேரவையின் பிரதிநிதிகள் அவசர ஊடகவியலாளர் சந்திப்ப ஒன்றை நடத்தித் தங்களது கோரிக்கையை முன்வைத்துள்ளனர்.

பேரவை வெளியிட்ட அறிக்கையில் குறிப்பிடப்பட்டுள்ளதாவது:

அனோஜன் கைது செய்யப்பட்டுத் தடுத்து வைக்கப்பட்டுள்ள சூழல் மற்றும் அவரது தற்போதைய நிலையைக் கருத்தில் கொண்டு, அவருக்கு மனிதாபிமான அடிப்படையில் மன்னிப்பு வழங்கப்பட வேண்டும்.

தமிழ் பேசும் மக்களின் உணர்வுகளுக்கு மதிப்பளித்தும், நல்லிணக்கத்தை ஏற்படுத்தும் நோக்கிலும் ஜனாதிபதி அவர்கள் தனது விசேட அதிகாரத்தைப் பயன்படுத்தி அனோஜனுக்குப் பொதுமன்னிப்பு வழங்கி விடுதலை செய்ய முன்வர வேண்டும்.

மேலும், இக்கோரிக்கை தொடர்பான உத்தியோகபூர்வ மகஜர் விரைவில் ஜனாதிபதி செயலகத்திலும் சம்பந்தப்பட்ட அமைச்சுக்களிடமும் கையளிக்கப்படவுள்ளதாகத் தமிழ் பேசும் மக்களின் அரசியல் பேரவை தெரிவித்துள்ளது.