பல்லேகலை தும்பர சிறைச்சாலையில் துப்பாக்கிச் சூடு: தப்பிச் செல்ல முயன்ற கைதி பலி!

சம்பவம் குறித்துக் கருத்துத் தெரிவித்த சிறைச்சாலைகள் ஊடகப் பேச்சாளரும் சிறைச்சாலைகள் ஆணையாளருமான சேனக்க பள்ளேதன்ன, குறித்த கைதி சிறை அதிகாரியின் துப்பாக்கியைப் பறித்துக்கொண்டு தப்பிச் செல்ல முயன்றபோதே அவர் மீது துப்பாக்கிச் சூடு நடத்தப்பட்டதாகத் தெரிவித்துள்ளார்.

7 கிராம் போதைப்பொருளை வைத்திருந்த குற்றச்சாட்டின் கீழ் கைது செய்யப்பட்டு, சுமார் ஒரு வார காலமாக விளக்கமறியலில் வைக்கப்பட்டிருந்த நிலையிலேயே இச்சம்பவம் இடம்பெற்றுள்ளது. 

சுமார் 6 மாதங்களுக்கு முன்பே திருமணமான குறித்த நபரின் மனைவி 2 மாத கர்ப்பிணியாக உள்ளார் என்ற சோகமான தகவலும் வெளியாகியுள்ளது. 

உயிரிழந்தவரின் சடலம் கண்டி தேசிய வைத்தியசாலையில் வைக்கப்பட்டுள்ளதுடன், சம்பவம் தொடர்பில் பொலிஸாரும் சிறைச்சாலை அதிகாரிகளும் மேலதிக விசாரணைகளை மேற்கொண்டு வருகின்றனர்.