பிரதான 5 வைத்தியசாலைகளுக்கு புதிய பணிப்பாளர்கள் நியமனம்: சுகாதார அமைச்சர் கடிதங்களை வழங்கினார்

அரச சேவை ஆணைக்குழுவின் அங்கீகாரத்திற்கு அமைய இந்த புதிய நியமனங்கள் வழங்கப்பட்டுள்ளன. அதற்கான உத்தியோகபூர்வ நியமனக் கடிதங்களை சுகாதார மற்றும் ஊடகத்துறை அமைச்சர் வைத்தியர் நலிந்த ஜயதிஸ்ஸ அவர்கள் நேரில் வழங்கி வைத்துள்ளார்.

இதற்கமைய, நாட்டின் பிரதான நான்கு போதனா வைத்தியசாலைகளுக்கும் மற்றும் ரிட்ஜ்வே ஆரியா சிறுவர் வைத்தியசாலைக்கும் புதிய பணிப்பாளர்கள் நியமிக்கப்பட்டுள்ளனர்:

களுபோவில போதனா வைத்தியசாலை: வைத்தியர் டபிள்யூ.எம்.யு.எஸ். விஜேமான்ன

ராகம போதனா வைத்தியசாலை: வைத்தியர் டி.ஏ.கே. பெரேரா

மட்டக்களப்பு போதனா வைத்தியசாலை: வைத்தியர் ஜி. சுகுணன்

பேராதனை போதனா வைத்தியசாலை: வைத்தியர் டபிள்யூ.எம்.சி.எம். விஜேசிங்க

ரிட்ஜ்வே ஆரியா சிறுவர் வைத்தியசாலை: வைத்தியர் டபிள்யூ.ஏ.பி.பி. ரத்னசேகர

வைத்தியசாலைகளின் சேவைகளை மேலும் மேம்படுத்தும் நோக்கில் இந்த அவசர மற்றும் அவசியமான நியமனங்கள் வழங்கப்பட்டுள்ளமை குறிப்பிடத்தக்கது.