களனிப் பல்கலைக்கழக பெண்கள் விடுதியில் தீ விபத்து : உடமைகள் நாசம்!

இன்று முற்பகல் ஏற்பட்ட இத்தீவிபத்தினால் குறித்த அறையிலிருந்த மாணவிகளின் அனைத்துப் பொருட்களும் முற்றாக எரிந்து நாசமாகியுள்ளதாகத் தெரிவிக்கப்படுகின்றது.

தீ விபத்து ஏற்பட்ட சந்தர்ப்பத்தில் அறைக்குள் மாணவர்கள் எவரும் இல்லாதிருந்தமையினால் அசம்பாவிதங்கள் எதுவும் நிகழவில்லை எனக் கூறப்படுகிறது.

தீ பரவியதற்கான காரணம் இதுவரை கண்டறியப்படாத நிலையில், தீயைக் கட்டுப்படுத்துவதற்காகத் தீயணைப்பு வாகனங்கள் உடனடியாக வரவழைக்கப்பட்டு பணிகள் முன்னெடுக்கப்பட்டதாக தகவல்கள் தெரிவிக்கின்றன.