கறுப்பு ஜூலை குறித்து ஆய்வு செய்ய விசேட பாராளுமன்றக் குழு: பாராளுமன்றத்தில் யோசனை

தேசிய மக்கள் சக்தியின் பாராளுமன்ற உறுப்பினர் தனுர திஸாநாயக்கவினால் குறித்த யோசனை பாராளுமன்றத்தில் உத்தியோகபூர்வமாக சமர்ப்பிக்கப்பட்டுள்ளதுடன், அதே கட்சியைச் சேர்ந்த பாராளுமன்ற உறுப்பினர் பாக்ய ஸ்ரீ ஹேரத் அதனை வழிமொழிந்து உறுதிப்படுத்தியுள்ளார்.

கறுப்பு ஜூலை சம்பவம் தொடர்பில் வரலாற்று உண்மைகளை முழுமையாக ஆய்வு செய்து அறிக்கை சமர்ப்பித்தல், நாட்டில் தேசிய நல்லிணக்கத்தை உறுதிப்படுத்துவதற்கான வழிவகைகளைக் கண்டறிதல் மற்றும் பாதிக்கப்பட்ட மக்களுக்குத் தகுந்த நிவாரணம் வழங்குவது தொடர்பான பரிந்துரைகளை வழங்குவதே இந்த விசேட பாராளுமன்றக் குழுவின் முக்கிய நோக்கங்களாகும் எனத் தெரிவிக்கப்பட்டுள்ளது.