டிஜிட்டல் மாற்றத்தின் மூலம் மக்களுக்கு தெளிவான சேவை: உலகளாவிய CIOs மாநாட்டில் வலியுறுத்தல்!

கொழும்பில் செப்டெம்பர் 23ஆம் திகதி நடைபெற்ற அரசு, தொழில்முனைவு மற்றும் சமூகத் துறைகளில் டிஜிட்டல் மாற்றத்திற்குத் தலைமைத்துவம் வழங்கும் உலகளாவிய தலைமைத் தகவல் அதிகாரிகளின் (Global CIOs) மாநாட்டில் கலந்துகொண்டு உரையாற்றும்போதே இக்கருத்துக்கள் தெரிவிக்கப்பட்டன.

அங்கு மேலும் உரை நிகழ்த்தியபோதாவது:

டிஜிட்டல் மயமாக்கலின் மூலம் பொருளாதாரப் பங்கேற்பை உறுதிசெய்வதும், தொழில்நுட்ப வளர்ச்சியின் நன்மைகள் சமூகத்தில் உள்ள அனைவருக்கும் நியாயமான முறையில் சென்றடைவதை உறுதி செய்வதும் அவசியமாகும்.

வெறும் முதலீட்டாளர்களை மட்டும் ஈர்ப்பது அரசாங்கத்தின் நோக்கமல்ல. மாறாக, உலகளாவிய தொழில்நுட்பத் திறன் மற்றும் அறிவை அபிவிருத்தி செய்வதற்குப் பங்களிக்கும் வகையிலான பலமிக்க மனிதவளத்தை இலங்கைக்குள் உருவாக்குவதே எமது முதன்மையான இலக்காகும்" எனக் குறிப்பிடப்பட்டது.

இம்மாநாட்டில் உள்நாட்டு மற்றும் சர்வதேசத் துறை சார்ந்த நிபுணர்கள், தொழில்முனைவோர்கள் மற்றும் அரச அதிகாரிகள் பலர் கலந்துகொண்டனர்.