கொழும்பு நகரில் நாளை முதல் 'மெட்ரோ பஸ்' சேவை விரிவாக்கம்: 121 பஸ்களுடன் புதிய திட்டம் துவக்கம்!

ஜனாதிபதியின் தலைமையில் முன்னெடுக்கப்படும் தேசிய வேலைத்திட்டத்தின் கீழ் முதற்கட்டமாக 121 பஸ்கள் இந்தச் சேவையில் இணைக்கப்படவுள்ளதாக, போக்குவரத்துப் பாதுகாப்பு மற்றும் சேவை மேம்பாடு குறித்தான விசேட செய்தியாளர் சந்திப்பில் அவர் குறிப்பிட்டார்.

தனியார் வாகனங்களின் பயன்பாட்டைக் குறைத்து, பொதுப் போக்குவரத்துச் சேவைகளைப் பயன்படுத்துவதற்கு மக்களை அதிகளவில் ஊக்குவிப்பதே இதன் முக்கிய நோக்கமாகும்.

இதுகுறித்து அமைச்சர் மேலும் தெரிவிக்கையில்:

குறிப்பிட்ட நேரத்திற்கு இயங்கும் சேவை, அனைத்து இடங்களிலும் நிறுத்தப்படாமல் முக்கிய நிறுத்தங்களில் மட்டும் நிற்கும் வசதி, சட்டத்தை மதிக்கக்கூடிய பயிற்சி பெற்ற சாரதிகள் மற்றும் நடத்துநர்களைக் கொண்டு இந்தச் சேவை முறைப்படுத்தப்பட்டுள்ளது.

முன்னதாக இலங்கை பொலிஸாரால் பஸ்களுக்கான 'முன்னுரிமை ஒழுங்கை'முறைமை அறிமுகப்படுத்தப்பட்ட போதிலும், பல்வேறு காரணங்களால் அதனைத் தொடர்ச்சியாக நடைமுறைப்படுத்த முடியவில்லை. தற்போது அறிமுகமாகும் மெட்ரோ பஸ் சேவை அதற்கு மிகவும் பொருத்தமான சூழலை உருவாக்கியுள்ளது.

போக்குவரத்து நெரிசலைக் குறைக்கும் பொருட்டு, வீதியிலுள்ள மூன்று வழிகளில் ஒரு வழி பஸ்களுக்காக பிரத்யேகமாக ஒதுக்கப்படும்.

காலை 6:00 மணி முதல் 9:00 மணி வரை (ஒரு திசையில்)

பிற்பகல் 4:00 மணி முதல் இரவு 7:00 மணி வரை (மறு திசையில்)

இந்த முறைமை மூலம் பொதுமக்கள் எவ்வித தாமதமுமின்றித் தங்களது பயணங்களை விரைவாகவும் பாதுகாப்பாகவும் மேற்கொள்ள முடியும் என எதிர்பார்க்கப்படுகிறது.