புதுப்பிக்கத்தக்க மின்சக்திக்குக் குழிதோண்டிப் புதைக்கும் அரசு: கமிஷன் மாபியாவுக்கு அடிபணிந்துவிட்டதாக எதிர்க்கட்சித் தலைவர் காராசாரம்!

எதிர்க்கட்சியாக இருந்த காலத்தில் 100% புதுப்பிக்கத்தக்க வலுசக்தி பற்றிப் பேசி வந்தவர்கள், ஆட்சியைப் பிடித்தவுடன் தங்களது வாக்குறுதிகளைக் காற்றில் பறக்கவிட்டுவிட்டதாக அவர் சாடினார்.

செய்தியாளர் சந்திப்பில் எதிர்க்கட்சித் தலைவர் பேசியதாவது:

"எதிர்க்கட்சியாக இருந்தபோது 100 சதவீதம் புதுப்பிக்கத்தக்க வலுசக்தி குறித்துப் பேசியவர்கள், இன்று ஆட்சியமைத்ததும் அந்த இலக்கைப் புறந்தள்ளிவிட்டு, எரிபொருள் மற்றும் அனல் மின் உற்பத்தி நிலைய மாபியாக்கள் வழங்கும் கமிஷன்களுக்கு அடிபணிந்து போயுள்ளனர்.

இதன் மூலம் நாட்டின் நிலையான ஆற்றல் மேம்பாடு மற்றும் சூரிய சக்தி மின் உற்பத்தி முறைகளை இந்த அரசாங்கம் முற்றிலுமாகக் குழிதோண்டிப் புதைக்கும் கொள்கையை வகுத்துச் செயல்படுகிறது."

சுற்றுச்சூழலுக்குப் பாதிப்பில்லாத மற்றும் குறைந்த செலவிலான பசுமை ஆற்றல் திட்டங்களைப் புறக்கணித்து, தனியார் அனல் மின் நிறுவனங்களின் லாபத்திற்காக அரசு செயல்படுவது மின் நுகர்வோரைப் பெரிதும் பாதிக்கும் என்றும் அவர் மேலும் எச்சரித்துள்ளார்.