ஆரோக்கியமும் அசத்தல் சுவையும்: நாவில் கரையும் பப்பாளி கேசரி!

தேவையான பொருட்கள்:

பப்பாளி பழ விழுது (மசித்தது) - 1 கப் 

ரவை - 1 கப் 

சர்க்கரை - 1 கப்

நெய் - அரை கப்

ஏலக்காய் தூள்

முந்திரி

பாதாம் பருப்பு.

செய்முறை:

பப்பாளிப் பழத்துண்டுகளை மிக்சியில் அரைத்து விழுது எடுத்துக் கொள்ளவும்.

கடாயில் நெய் விட்டு முந்திரி, பாதாம் வறுத்து எடுக்கவும். அதே நெய்யில் ரவையைப் பொன்னிறமாக வறுத்துத் தனியே வைக்கவும்.

அதே கடாயில் அரைத்து வைத்துள்ள பப்பாளி விழுதைச் சேர்த்து, அதன் பச்சை வாசனை போகும் வரை சில நிமிடங்கள் வதக்கவும்.

பிறகு தண்ணீர் ஊற்றி கொதித்ததும், வறுத்த ரவையைச் சேர்த்துக் கட்டியில்லாமல் கிளறவும்.

ரவை வெந்ததும் சர்க்கரை, மீதமுள்ள நெய் மற்றும் ஏலக்காய் தூள் சேர்த்துச் சுருண்டு வரும்போது இறக்கவும்.

பப்பாளி கேசரிக்கு அதிக நிறம் சேர்க்கத் தேவையில்லை; பப்பாளியின் இயற்கையான ஆரஞ்சு நிறமே கேசரிக்கு அழகைக் கொடுக்கும்!