இயற்கையான முறையில் ரத்தத்தை பெருக்க வழிகள்... வீட்டில் இருக்கும் இந்த உணவுகள் போதும்!

உடலின் அனைத்து உறுப்புகளுக்கும் ஆக்சிஜனைக் கொண்டு செல்லும் முக்கிய வேலையைச் செய்வது இந்த ஹீமோகுளோபின் தான். மாத்திரைகள் எதுவும் இல்லாமல், தினசரி உணவின் மூலமாகவே உங்கள் இரத்தத்தின் அளவை எகிற வைக்கும் 5 அற்புதமான உணவுகள் பற்றி இப்போது பார்ப்போம்! 

ஹீமோகுளோபின் உயர்த்தும் உணவுகள் :

1. முருங்கைக் கீரை & பேரீச்சம்பழம்:  இயற்கை தந்த வரப்பிரசாதமான முருங்கைக் கீரையில் இரும்புச்சத்து மற்றும் ஃபோலேட் அதிக அளவில் உள்ளது. தினசரி காலையில் 2 அல்லது 3 ஊறவைத்த பேரீச்சம்பழத்துடன் முருங்கைக் கீரைச் சாறு அல்லது கூட்டாகச் சாப்பிட்டு வந்தால், ரத்தத்தில் சிவப்பணுக்களின் எண்ணிக்கை மளமளவென உயரும்.  

2. பீட்ரூட் ஜூஸ்:பீட்ரூட்டில் இரும்புச்சத்து, ஃபோலிக் அமிலம் மற்றும் பொட்டாசியம் நிறைந்துள்ளன. இது புதிய ரத்த அணுக்களை உருவாக்குவதோடு, ரத்த ஓட்டத்தையும் சீராக்குகிறது.  

3. மாதுளம்பழம் & அத்திப்பழம்:  மாதுளையில் இரும்புச்சத்துடன் சேர்த்து கால்சியம் மற்றும் நார்ச்சத்துகள் உள்ளன. இரவு முழுதும் ஊறவைத்த உலர் அத்திப்பழம் மற்றும் மாதுளையைத் தொடர்ந்து சாப்பிட்டு வர, ஹீமோகுளோபின் அளவு வேகமாக அதிகரிக்கும்.  

4. பூசணி விதைகள் & சுவரொட்டி (மண்ணீரல்):  சைவப் பிரியர்கள் பூசணி விதைகளைச் சேர்க்கலாம்; இதில் தாமிரம் மற்றும் இரும்புச்சத்து அதிகம். அசைவம் சாப்பிடுபவர்கள் வாரத்திற்கு ஒருமுறை ஆட்டின் சுவரொட்டி அல்லது ஈரல் சாப்பிட்டு வந்தால் ரத்த சோகை (Anemia) என்ற பேச்சையே மறக்கலாம்!  

5. வைட்டமின் C நிறைந்த பழங்கள்:  நாம் சாப்பிடும் உணவில் உள்ள இரும்புச்சத்தை உடல் சரியாக உறிஞ்ச வேண்டுமானால், அதற்கு வைட்டமின் C மிக அவசியம்! எனவே, நெல்லிக்காய், ஆரஞ்சு, எலுமிச்சை அல்லது கொய்யாப்பழத்தை தினமும் உணவில் சேர்த்துக் கொள்ளுங்கள். 

மருத்துவர்களின் முக்கிய ஆலோசனை :

இரும்புச்சத்து நிறைந்த உணவுகளைச் சாப்பிடும் அதே வேளையில், உணவுக்கு முன்போ அல்லது சாப்பிட்ட உடனே தேநீர் (Tea), காபி குடிப்பதைத் தவிர்க்க வேண்டும். ஏனெனில், அவற்றில் உள்ள டானின் சத்து உடலானது இரும்புச்சத்தை உறிஞ்சுவதைத் தடுத்துவிடும்! 

சத்தான உணவுகளைச் சாப்பிடுவோம்; ரத்த சோகையை விரட்டி ஆரோக்கியமாக வாழ்வோம்!