இலங்கைக்கு காசநோய் எதிர்ப்பு மருந்துகளை வழங்கியது இந்தியா!

இலங்கையிலுள்ள இந்திய உயர்ஸ்தானிகராலயத்தின் தகவலின்படி, சுமார் மூன்று தொன் எடையுள்ள இந்தத் தொகுதியில், 52 மில்லியன் ரூபாய் பெறுமதியான 1.5 மில்லியனுக்கும் அதிகமான மாத்திரைகள் உள்ளன.

கொழும்பில் உள்ள சுகாதார அமைச்சகத்தில், இந்திய உயர்ஸ்தானிகர் சந்தோஷ் ஜா, சுகாதார அமைச்சர் நலிந்த ஜயதிஸ்ஸவிடம் மருந்துகளைக் கையளித்தார்.

சுகாதாரத் துறை பிரதி அமைச்சர் ஹன்சக விஜேமுனியும் இந்நிகழ்வில் கலந்துகொண்டார்.

இலங்கை அரசாங்கத்தின் கோரிக்கையை ஏற்று இந்த உதவி வழங்கப்பட்டது.

இதில் காசநோய் சிகிச்சையில் பயன்படுத்தப்படும் அத்தியாவசியமான முதல்-நிலை மருந்துகள் அடங்கும்.

இந்தியாவின் சுகாதாரம் மற்றும் குடும்ப நல அமைச்சகத்தின் உதவியுடன் இம்மருந்துகள் பெறப்பட்டன.