தலையில் அரிப்பா? பொடுகை விரட்ட வீட்டிலேயே செய்யக்கூடிய 5 எளிய இயற்கை வழிகள்!

1. தயிர் மற்றும் எலுமிச்சை சாறு:

ஒரு கப் தயிருடன் இரண்டு ஸ்பூன் எலுமிச்சை சாறு கலந்து தலைமுடியில் நன்றாகத் தேய்த்து 20 நிமிடங்கள் ஊறவைக்கவும். பின்னர் மென்மையான ஷாம்பு கொண்டு அலசினால் பொடுகு தொல்லை குறையும்.

2. கற்றாழை ஜெல் (Aloe Vera):

இயற்கையான கற்றாழை ஜில்லை எடுத்துத் தலைத்தோலில் (Scalp) தடவி, லேசாக மசாஜ் செய்து அரை மணி நேரம் கழித்து அலச வேண்டும். இது தலையில் ஏற்படும் அரிப்பு மற்றும் எரிச்சலை போக்கி, தலையைக் குளிர்ச்சியாக வைக்கும்.

3. வேப்பிலை மற்றும் துளசி அரைவை:

வேப்பிலை மற்றும் துளசியைச் சம அளவில் எடுத்து அரைத்து பேஸ்ட் போலச் செய்து தலையில் தடவி வரலாம். இதில் உள்ள பாக்டீரியா எதிர்ப்பு மற்றும் பூஞ்சை எதிர்ப்பு (Anti-fungal) குணங்கள் பொடுகை உண்டாக்கும் பூஞ்சைகளை அழிக்கவல்லது.

4. தேங்காய் எண்ணெய் மற்றும் கற்பூரம்:

சூடான தேங்காய் எண்ணெயில் சிறிதளவு கற்பூரம் கலந்து, இரவில் தூங்குவதற்கு முன் தலையில் தேய்த்து மசாஜ் செய்துவிட்டு, மறுநாள் காலையில் குளித்து வந்தால் பொடுகுப் பிரச்சினை படிப்படியாக மறையும்.

5. வெந்தய பேக்:

வெந்தயத்தை முதல் நாள் இரவே நீரில் ஊறவைத்து, மறுநாள் அதை நன்றாக அரைத்துத் தலையில் பேக் போலப் போட்டு 20 நிமிடங்கள் கழித்து அலச வேண்டும். இது பொடுகைப் போக்குவதுடன் முடி உதிர்வதையும் தடுக்கும்.

வாரம் இருமுறை தலைக்குக் குளிப்பது, பிறரின் சீப்பு மற்றும் துண்டுகளைப் பயன்படுத்தாமல் இருப்பது, அதிக காரம் மற்றும் எண்ணெய் பலகாரங்களைத் தவிர்ப்பது போன்றவை பொடுகு மீண்டும் வராமல் தடுக்க உதவும்.