நாமலின் செயலாளர் வீட்டில் அதிரடி சோதனை: லாக்கர் பறிமுதல்!

கிடைக்கப்பெற்ற ரகசியத் தகவலின் அடிப்படையில், கல்கிஸ்ஸை டெம்ப்ளர்ஸ் மாவத்தையில் உள்ள அவரது வீட்டில் நேற்று நள்ளிரவு 12 மணியளவில் இந்தச் சோதனை தொடங்கப்பட்டது. பொலிஸ் விசேட அதிரடிப்படையினர் மற்றும் காவல்துறையினரின் உதவியுடன் சுமார் 4 மணி நேரம் தீவிர சோதனை நடத்தப்பட்ட பின்னர், வீட்டிலிருந்த பாதுகாப்புப் பெட்டகம் (Safe) ஒன்றை அதிகாரிகள் தமது பொறுப்பில் எடுத்தனர்.

எனினும், அந்தப் பெட்டகத்தைத் திறப்பதற்கான கடவுச்சொல் தன்னிடம் இல்லை என சஞ்சய சமரசிங்க தெரிவித்துள்ளார். அதனைத் தொடர்ந்து, அவர் இன்று காலையில் இலஞ்ச ஊழல் விசாரணை ஆணைக்குழுவில் ஆஜராகி வாக்குமூலம் அளித்துள்ளார். ஆணைக்குழுவிடம் உள்ள ஒரு கோப்பு தொடர்பான விசாரணைகளின் ஒரு பகுதியாகவே இந்த அதிரடி நடவடிக்கை மேற்கொள்ளப்பட்டுள்ளதாக அதிகாரிகள் உறுதிப்படுத்தியுள்ளனர்.