மீனவர்களுக்கு எச்சரிக்கை! தெற்கு அந்தமான் கடல் பகுதியில் வலுப்பெற்ற காற்றழுத்தத் தாழ்வுப் பகுதி!

இந்தக் குறைந்த காற்றழுத்தத் தாழ்வுப் பகுதியானது அடுத்தடுத்த நாட்களில் மேலும் வலுவடைந்து, வடமேற்கு திசையை நோக்கி நகரக்கூடும் என எதிர்பார்க்கப்படுகின்றது.  

இதன் காரணமாக ஆழ்கடல் பகுதிகளில் பலத்த காற்றும், கொந்தளிப்பான கடல் சூழலும் நிலவக்கூடும் என்பதால், அந்தமான் கடல் மற்றும் அதனை ஒட்டிய தென்கிழக்கு வங்கக்கடல் பகுதிகளுக்குச் செல்லும் கடற்றொழிலாளர்கள் மற்றும் கடற்படையினர் மிகுந்த அவதானத்துடன் இருக்குமாறு கேட்டுக்கொள்ளப்பட்டுள்ளனர்.

மேலும், நாட்டின் பல பகுதிகளில் இடியுடன் கூடிய மழை பெய்யக்கூடிய சாத்தியக்கூறுகள் காணப்படுவதால், வளிமண்டலவியல் திணைக்களத்தால் அவ்வப்போது வெளியிடப்படும் உத்தியோகபூர்வ வானிலை முன்னறிவிப்புகளைத் தொடர்ச்சியாகக் கவனிக்குமாறு பொதுமக்கள் அறிவுறுத்தப்படுகின்றனர்.