நவம்பர் 2இல் நாடளாவிய விசேட திட்டம்! மார்பகப் புற்றுநோய் விழிப்புணர்வுக்குப் பெண் எம்பிக்கள் சங்கம் அழைப்பு!

பெண் பாராளுமன்ற உறுப்பினர்களின் சங்கம் மற்றும் சுகாதார அமைச்சின் பணிப்பாளர்களின் கூட்டுக் தலைமையில் இத்திட்டம் செயல்படுத்தப்படவுள்ளது.அத்துடன், எதிர்வரும் ஆண்டில் 35 முதல் 45 வயதுக்குட்பட்ட அனைத்துப் பெண்களையும் புற்றுநோய் பரிசோதனைகளுக்கு உட்படுத்தும் விரிவான வேலைத்திட்டமும் கிராம உத்தியோகத்தர் பிரிவுகளின் மகளிர் அமைப்புகளின் பங்களிப்புடன் முன்னெடுக்கப்படவுள்ளது.  

மார்பகப் புற்றுநோயை ஆரம்பத்திலேயே கண்டறிவதன் மூலம் உயிர்களைப் பாதுகாக்க முடியும் என்பதால், பொதுமக்கள் குறிப்பாகப் பெண்கள் இந்த தேசிய விழிப்புணர்வுத் திட்டத்தில் தீவிரமாகப் பங்கேற்குமாறு சுகாதார அமைச்சு கேட்டுக்கொண்டுள்ளது.