பட்டப்படிப்பு முடித்தும் வேலையில்லை! தெற்காசிய பிராந்தியத்தில் முதலிடத்தைப் பிடித்து இலங்கை மோசமான சாதனை!

நாட்டில் நிலவும் பொருளாதார நெருக்கடி, உயர்கல்வித் துறைக்கும் வேலைவாய்ப்புச் சந்தைக்கும் இடையே உள்ள இடைவெளி மற்றும் அரசுத் துறைப் பணி நியமனங்களில் ஏற்பட்டுள்ள தொய்வு ஆகியவை இதற்குக் முக்கியக் காரணங்களாகச் சுட்டிக்காட்டப்படுகின்றன.

பல்கலைக்கழகங்களில் பட்டம் பெற்று வெளிவரும் இளைஞர்களில் கணிசமானோர் தங்களின் தகுதிக்கு ஏற்ற வேலை கிடைக்காமல் பல வருடங்களாகக் காத்திருக்கும் சூழல் நிலவுகிறது. தெற்காசிய பிராந்தியத்தில் உள்ள ஏனைய நாடுகளை விட இலங்கையிலேயே இந்த விகிதம் அதிகமாகப் பதிவாகியுள்ளது.

நாட்டின் தனியார் துறை சந்தித்து வரும் சவால்கள், புதிய முதலீடுகள் குறைந்துள்ளமை மற்றும் பல தொழில் நிறுவனங்கள் ஆட்குறைப்பு நடவடிக்கைகளில் ஈடுபட்டுள்ளமை ஆகியவை இளைஞர்களின் வேலைவாய்ப்பைப் பெரிதும் பாதித்துள்ளன.

தற்போதைய தொழினுட்ப மற்றும் நவீன வர்த்தகச் சந்தைக்குத் தேவையான நடைமுறைச் சார்ந்த பயிற்சிகளும் திறன்களும் பட்டதாரிகளிடம் குறைவாக இருப்பதே வேலைவாய்ப்புப் பற்றாக்குறைக்கு மற்றொரு முக்கியக் காரணம் எனப் பொருளாதார வல்லுநர்கள் கருத்து தெரிவித்துள்ளனர்.

இந்த நிலையை மாற்றவும், படித்த இளைஞர்களின் ஆற்றலை நாட்டின் வளர்ச்சிக்குப் பயன்படுத்தவும் கல்விமுறையில் உடனடி மாற்றங்களைக் கொண்டு வருவதோடு, புதிய வேலைவாய்ப்புகளை உருவாக்க அரசு தீவிர நடவடிக்கை எடுக்க வேண்டும் எனச் சமூக ஆர்வலர்கள் கோரிக்கை விடுத்துள்ளனர்.