இலங்கையில் வறட்சியான வானிலையால் ஆறு மாவட்டங்களில் 88,000-க்கும் மேற்பட்டோர் பாதிப்பு!

இலங்கையின் பல பகுதிகளில் நிலவும் வறட்சியான வானிலை காரணமாக ஆறு மாவட்டங்களில் 88,000-க்கும் மேற்பட்ட மக்கள் பாதிக்கப்பட்டுள்ளனர்.

குறித்த மாவட்டங்களில் 28 பிரதேச செயலகப் பிரிவுகளில் உள்ள 27,475 குடும்பங்களைச் சேர்ந்த 88,068 பேர் பாதிக்கப்பட்டுள்ளதாக அனர்த்த முகாமைத்துவ மத்திய நிலையம் (DMC) தெரிவித்துள்ளது.

27 பிரதேச செயலகப் பிரிவுகளில் உள்ள 27,048 குடும்பங்களைச் சேர்ந்த 86,368 பேருக்குக் குடிநீர் விநியோகிக்கப்பட்டு வருகிறது.

குடிநீர் பெறும் மக்களின் எண்ணிக்கை மொனராகலை மாவட்டத்திலேயே அதிகமாக உள்ளது.

அங்கு 11,751 குடும்பங்களைச் சேர்ந்த 37,890 பேருக்கு குடிநீர் வழங்கப்படுகிறது.

மட்டக்களப்பில் 9,547 குடும்பங்களைச் சேர்ந்த 28,523 பேருக்கும், அம்பாறையில் 8,847 பேருக்கும், பதுளையில் 8,383 பேருக்கும் குடிநீர் விநியோகிக்கப்படுகிறது.

பொலன்னறுவையில் 2,646 பேருக்கும், இரத்தினபுரியில் 79 பேருக்கும் குடிநீர் விநியோகிக்கப்பட்டு வருவதாகப் பேரிடர் முகாமைத்துவ நிலையம் மேலும் தெரிவித்துள்ளது.