வவுனியா தேசிய கல்வியியற் கல்லூரியில் 300 ஆசிரிய மாணவர்களுக்கான 'அமைதி கல்வித் திட்டம்' கோலாகல ஆரம்பம்!
வவுனியா தேசிய கல்வியியற் கல்லூரியில் 300 ஆசிரிய மாணவர்களுக்கான 'அமைதி கல்வித் திட்டம்' கோலாகல ஆரம்பம்! குறித்த பிரத்யேக ஒளிப்படம்
வவுனியா தேசிய கல்வியியற் கல்லூரியில் 300 ஆசிரிய மாணவர்களுக்கான அமைதி கல்வித் திட்டம் (Peace Education Program) சிறப்பாக ஆரம்பித்து வைக்கப்பட்டுள்ளது.
நேற்று (17.10.2026) சனிக்கிழமை காலை 8:45 மணியளவில் கல்லூரி வளாகத்தில் நடைபெற்ற இந்நிகழ்வில், முதலாவது தொனிப்பொருளான 'அமைதி' என்ற தலைப்பிலான பயிலரங்கு வெற்றிகரமாக நடாத்தி முடிக்கப்பட்டது.
கல்லூரியின் பீடாதிபதி கலாநிதி குணரட்ணம் கமலகுமார் தலைமையில் நடைபெற்ற இந்நிகழ்வில், கல்வி மற்றும் தர மேம்பாட்டுப் பிரிவின் உப பீடாதிபதி திருமதி. லிங்கேஸ்வரி துணைவன், கல்வி மற்றும் தர மேம்பாட்டு இணைப்பாளர் விரிவுரையாளர் திருமதி. அரவிந்தன் ஆகியோருடன் விரிவுரையாளர்களான திருமதி. தயாநிதி ஜெயசீலன், திருமதி. சத்தியேந்திரன், திரு. மோகன்ராஜ் மற்றும் திரு. செல்வக்குமார் ஆகியோர் கலந்து சிறப்பித்தனர்.
மேலும், அமைதி கல்வித் திட்டத்தின் இணைப்பாளர்களான செல்வி. குகானந்தராஜா கீர்த்திகா, திரு. விமலநாதசர்மா மற்றும் திருமதி. பத்மாவதி பத்மநாதன் ஆகியோரின் பங்களிப்புடன் முதலாவது அமர்வு சிறப்பாக இடம்பெற்றது.
இத்திட்டத்தின் தொடர்ச்சியாக பாராட்டுதல், உள்வலிமை, தன்னை உணர்தல், தெளிவு, புரிந்துணர்வு, தன்மானம், தேர்ந்தெடுத்தல், நம்பிக்கை மற்றும் நிறைவு ஆகிய 9 முக்கிய தலைப்புகளில் அடுத்து வரும் வாரங்களில் சிறப்புப் பயிலரங்குகள் நடைபெறவுள்ளன. பயிற்சிகளை வெற்றிகரமாக நிறைவு செய்யும் ஆசிரிய மாணவர்களுக்குச் சான்றிதழ்களும் வழங்கப்படவுள்ளமை குறிப்பிடத்தக்கது.
VIGNESWARAN ABIRAMY
செய்தி ஆசிரியர்தொடர்புடைய செய்திகள் (Related News)
ஆபிரிக்கா வர்த்தக விருது – 2026: இலங்கையர் ராஜமாணிக்கம் சத்தியமூர்த்திக்குச் சர்வதேச அங்கீகாரம்!
இலங்கையின் நுவரெலியா மாவட்டம், பூண்டுலோயாவைச் சேர்ந்த ராஜமாணிக்கம் சத்தியமூர்த்தி, 2026 ஆம் ஆண்டுக்கான ஆபிரிக்கா வர்த்தக மன்றம் மற்றும் விருதுகள் நிகழ்வில் (Africa Business Forum and Awards 2026), “சிறந்த வர்த்தகத் தலைவர் – ஆடை மற்றும் ஆடை உற்பத்தித் துறை” (Best Business Leader – Textile and Garment Manufacturing) என்ற விருதைப் பெற்றுக்கொண்டார்.
மீனவர்களுக்கு எச்சரிக்கை! தெற்கு அந்தமான் கடல் பகுதியில் வலுப்பெற்ற காற்றழுத்தத் தாழ்வுப் பகுதி!
தெற்கு அந்தமான் கடல் பகுதியில் வட சுமாத்திரா தீவுகளுக்கு அருகில் நிலவிய வளிமண்டலக் கீழடுக்கில் ஏற்பட்ட சுழற்சி, இன்று முற்பகல் 11.30 மணியளவில் குறைந்த காற்றழுத்தத் தாழ்வுப் பகுதியாக வலுவடைந்துள்ளதாக வளிமண்டலவியல் திணைக்களம் தெரிவித்துள்ளது.
நவம்பர் 2இல் நாடளாவிய விசேட திட்டம்! மார்பகப் புற்றுநோய் விழிப்புணர்வுக்குப் பெண் எம்பிக்கள் சங்கம் அழைப்பு!
இலங்கைப் பெண்களிடையே மிகவும் அதிகமாகப் பதிவாகும் மார்பகப் புற்றுநோயை ஆரம்பக் கட்டத்திலேயே கண்டறிவது மற்றும் அது தொடர்பான விழிப்புணர்வை மக்களிடையே கட்டியெழுப்புவதற்காக எதிர்வரும் நவம்பர் 2ஆம் திகதி நாடளாவிய ரீதியில் விசேட தேசிய நிகழ்ச்சித் திட்டம் ஒன்று முன்னெடுக்கப்படவுள்ளது.
நாளை முடங்கும் அரச பல்கலைக்கழக கல்விச் செயற்பாடுகள்? விரிவுரையாளர்கள் அதிரடி முடிவு!
நாட்டின் அரச பல்கலைக்கழகக் கட்டமைப்பு எதிர்கொள்ளும் தீவிர சவால்கள் மற்றும் பல்வேறு கோரிக்கைகளை முன்வைத்து, அரச பல்கலைக்கழக விரிவுரையாளர்கள் சம்மேளனம் (FUTA) ஒரு நாள் அடையாளப் பணிப்புறக்கணிப்புப் போராட்டத்தில் குதித்துள்ளது.
கருத்துக்கள் (2)
கார்த்திக் கணேசன்
2 மணி நேரத்திற்கு முன்மிகவும் அவசியமான மற்றும் பயனுள்ள செய்தி பதிவு. விவரமான தகவல்களுக்கு நன்றி!
சுரேஷ் குமார்
5 மணி நேரத்திற்கு முன்அக்கினி செய்தியின் இந்த பகுப்பாய்வு சிறப்பாக உள்ளது. மேலும் பல விரிவான செய்திகளை எதிர்பார்க்கிறோம்.
