கடலோரப் பகுதிகளில் மழை மற்றும் பலத்த காற்று எச்சரிக்கை: வளிமண்டலவியல் திணைக்களம்!

சிலாபத்திலிருந்து கொழும்பு, காலி ஊடாக மாத்தறை வரையான கடற்பரப்புகளில் சில இடங்களில் மழை பெய்யக்கூடும். மேலும், முல்லைத்தீவிலிருந்து திருகோணமலை, மட்டக்களப்பு ஊடாக பொத்துவில் வரையான கடற்பகுதிகளில் மாலையில் அல்லது இரவில் இடியுடன் கூடிய மழை பெய்ய வாய்ப்புள்ளது.

தென்மேற்கு திசையிலிருந்து மணிக்கு 25-35 கி.மீ வேகத்தில் காற்று வீசும். குறிப்பாக, காலியிலிருந்து ஹம்பாந்தோட்டை ஊடாக பொத்துவில் வரையான கடற்பகுதிகளில் காற்றின் வேகம் அவ்வப்போது மணிக்கு 45-50 கி.மீ வரை அதிகரிக்கக்கூடும்.

இதனால் காலியிலிருந்து பொத்துவில் வரையான கடற்பகுதிகள் அவ்வப்போது கொந்தளிப்பாகக் காணப்படும்.

இடியுடன் கூடிய மழை பெய்யும் நேரங்களில் பலத்த காற்று வீசுவதுடன், கடல் பகுதிகள் மிகவும் கொந்தளிப்பாகக் காணப்படும் என்பதால் மீனவர்கள் விழிப்புடன் இருக்குமாறு கேட்டுக்கொள்ளப்படுகிறார்கள்.