அதிவேக நெடுஞ்சாலையில் ரூ.4,614 மில்லியன் வருமான இழப்பு: தணிக்கை அறிக்கையில் அதிர்ச்சி!

நவம்பர் 2019 முதல் ஜூலை 2024 வரையிலான 4 ஆண்டுகள் மற்றும் 9 மாத காலப்பகுதியில் இந்த பெரும் முறைகேடு இடம்பெற்றுள்ளதாக தணிக்கை அறிக்கை ஒன்றில் சுட்டிக்காட்டப்பட்டுள்ளது.

குறிப்பிட்ட இந்தக் காலப்பகுதியில் 133.8 மில்லியனுக்கும் அதிகமான நுழைவுச் சீட்டுகள் வழங்கப்பட்டு வருமானம் ஈட்டப்பட்டிருந்த போதிலும், 18.2 மில்லியனுக்கும் அதிகமான வாகனங்கள் வெளியேறும் போது சீட்டுகள் முறையாக வழங்கப்படவில்லை எனத் தெரிவிக்கப்பட்டுள்ளது.

இதன் காரணமாக, அதிவேக நெடுஞ்சாலைப் போக்குவரத்து மூலம் கிடைக்க வேண்டிய வருமானத்தில் தினமும் 1 மில்லியன் ரூபாய்க்கும் அதிகமான தொகை இழக்கப்பட்டு வருவதாகவும் அந்த அறிக்கை மேலும் கவலை வெளியிட்டுள்ளது.