தீவிரப் புயலானது 'முரசு' சூறாவளி: வட கடற்பரப்பில் சிவப்பு எச்சரிக்கை அமல்!

இதன் காரணமாக, காங்கேசன்துறை ஊடாக மன்னார் மற்றும் திருகோணமலை இடையேயான கடல் பிராந்தியங்களைச் சேர்ந்த மீனவர்கள் மற்றும் கடற்றொழில் சமூகத்தினர் அடுத்த அறிவித்தல் வரை ஆழ்கடலுக்குச் செல்வது முற்றிலுமாகத் தடை செய்யப்பட்டுள்ளது.ஏற்கனவே கடலில் உள்ளவர்கள் உடனடியாகப் பாதுகாப்பான கரைக்குத் திரும்புமாறும் அறிவுறுத்தப்பட்டுள்ளனர்.புயலின் தாக்கத்தால் வட கடற்பரப்புகளில் காற்றின் வேகம் மணிக்கு 70 முதல் 80 கிலோமீற்றர் வரை அதிகரிக்கக்கூடும் என்றும், கடல் மிகவும் கொந்தளிப்பாகக் காணப்படும் என்றும் எச்சரிக்கப்பட்டுள்ளது. 

பொதுமக்கள் மற்றும் கடற்றொழிலாளர்கள் வானிலை அறிவிப்புகளைத் தொடர்ந்து கவனிக்குமாறு கேட்டுக்கொள்ளப்படுகிறார்கள்.