• சுகாதார சேவையை வலுப்படுத்த அரசாங்கம் அதிரடி நடவடிக்கை – 2,819 புதிய தாதியர்கள் இன்று நியமனம்!

அதற்கமைய, நாடு முழுவதிலும் உள்ள தாதியர் பயிற்சிக் கலாசாலைகளில் தங்களது மூன்றாண்டு கால முறையான தத்துவார்த்த மற்றும் மருத்துவமனைப் பயிற்சிகளை வெற்றிகரமாக நிறைவு செய்த 2,819 தாதியர்களுக்கு இன்று அதிகாரப்பூர்வ நியமனக் கடிதங்கள் வழங்கி வைக்கப்பட்டன. சுகாதார அமைச்சின் உயர்மட்ட அதிகாரிகள் முன்னிலையில் நடைபெற்ற விசேட விழாவில் இந்த நியமனங்கள் கையளிக்கப்பட்டன.

இலங்கையின் பொதுச் சுகாதாரச் சேவையின் தரத்தை உயர்த்துவதிலும், நோயாளர்களுக்கான தடையற்ற பராமரிப்பை உறுதி செய்வதிலும் இந்த புதிய தாதியர்களின் நியமனம் ஒரு முக்கிய பங்களிப்பாக அமையும் என எதிர்பார்க்கப்படுகிறது. நியமனம் பெற்ற அனைவரும் உடனடியாக நாடெங்கிலும் உள்ள அத்தியாவசிய தேவைமிக்க மருத்துவமனைகளுக்கு சேவைக்காக அனுப்பப்படவுள்ளதாக சுகாதார அமைச்சு மேலும் குறிப்பிட்டுள்ளது.