முல்லைத்தீவில் அதிர்ச்சி: உறங்கிக் கொண்டிருந்த தம்பதியினர் அடித்துக் கொலை!

வீட்டில் தந்தை, தாய் மற்றும் மகள் உறங்கிக்கொண்டிருந்த வேளையில், அத்துமீறி நுழைந்த நபர்கள் பெற்றாரின் தலையில் பலமாகத் தாக்கியுள்ளனர். மகளின் அலறல் சத்தம் கேட்டு ஓடிவந்த அயலவர்கள், படுகாயமடைந்த இருவரையும் மீட்டு மாங்குளம் ஆதார வைத்தியசாலையில் அனுமதித்த போதிலும் சிகிச்சை பலனின்றி உயிரிழந்துள்ளனர்.

இக்கொலையைச் செய்த நபர்கள் யார்? பின்னணி என்ன? என்பது தொடர்பில் மாங்குளம் பொலிஸார், தடயவியல் பிரிவினர் மற்றும் விசேட அதிரடிப்படையினர் சம்பவ இடத்திற்கு வருகை தந்து தீவிர விசாரணைகளை முன்னெடுத்து வருகின்றனர்.

சடலங்கள் தற்போது மாங்குளம் ஆதார வைத்தியசாலையில் வைக்கப்பட்டுள்ளன. இச்சம்பவம் அப்பகுதியில் பெரும் சோகத்தையும் பரபரப்பையும் ஏற்படுத்தியுள்ளது.