நாடு முழுவதும் இன்ஃபுளுவென்சா நோயாளிகளின் எண்ணிக்கை கணிசமாக அதிகரிப்பு!

காலநிலை மாற்றங்கள் மற்றும் தொடர் மழையுடனான வானிலை காரணமாகவே இந்நோய் பரவல் துரிதமடைந்துள்ளதாகச் சுகாதார அமைச்சின் தொற்றுநோயியல் பிரிவு சுட்டிக்காட்டியுள்ளது.

கடும் காய்ச்சல், இருமல், தொண்டை வலி, உடல் வலி, தலைவலி மற்றும் அதிகப்படியான சோர்வு ஆகியவை இன்ஃபுளுவென்சா தொற்றின் முதன்மை அறிகுறிகளாக அடையாளங்காணப்பட்டுள்ளன.

பொதுமக்கள் அடிக்கடி கைகளைச் சோப்பு போட்டுக் கழுவுமாறும், இருமும்போதும் தும்மும்போதும் வாயையும் மூக்கையும் மூடிக்கொள்ளுமாறும் கேட்டுக்கொள்ளப்படுகிறார்கள்.

காய்ச்சல் அறிகுறி உள்ளவர்கள் பொது இடங்களுக்கும், குழந்தைகள் பாடசாலைகளுக்கும் செல்வதைத் தவிர்த்து வீட்டிலேயே ஓய்வெடுப்பது நல்லது.

சிறுவர்கள், கர்ப்பிணித் தாய்மார்கள், முதியவர்கள் மற்றும் நாட்பட்ட நோய்களால் பாதிக்கப்பட்டவர்கள் அதிக கவனத்துடன் இருக்குமாறு அறிவுறுத்தப்படுகிறார்கள்.

காய்ச்சல் அறிகுறிகள் தொடர்ந்து நீடித்தாலோ அல்லது தீவிரமடைந்தாலோ சுய மருத்துவம் செய்வதைத் தவிர்த்து, உடனடியாக அருகில் உள்ள அரச அல்லது அங்கீகரிக்கப்பட்ட வைத்தியசாலைக்குச் சென்று மருத்துவ ஆலோசனையைப் பெறுமாறு சுகாதாரத் துறை பொதுமக்கள் கேட்டுக்கொண்டுள்ளது.