குழந்தைகளின் நகங்களில் தெரியும் அறிகுறிகள்: பெற்றோர் கவனிக்க வேண்டிய 9 விஷயங்கள்!

குழந்தைகளின் நகங்களைப் பார்த்து தெரிந்துகொள்ள வேண்டிய 9 முக்கிய விஷயங்கள் இதோ:

1. வெள்ளை நிற புள்ளிகள் : குழந்தைகளின் நகங்களில் சிறு வெள்ளை நிறப் புள்ளிகள் தோன்றினால், அது பெரும்பாலும் நகம் படுவதால் ஏற்படும் சாதாரண அடிபட்ட தழும்பாக இருக்கலாம். எனினும், இது சில சமயங்களில் சத்து குறைபாட்டைக் குறிக்கலாம்.

2. ஸ்பூன் வடிவிலான நகங்கள் : நகங்கள் மேல்நோக்கி வளைந்து, கரண்டி போல குழியாக மாறினால், அது இரும்புச்சத்து குறைபாடு அல்லது ரத்த சோகையின் அறிகுறியாக இருக்கக்கூடும்.

3. கரடுமுரடான அல்லது குழிந்த நகங்கள் : நகங்கள் எளிதில் உடைவது அல்லது சிறு குழிகள் விழுவது போல இருந்தால், அது தோல் வியாதிகள் அல்லது ஊட்டச்சத்து குறைபாட்டைக் காட்டலாம்.

4. வெளிச்சமற்ற அல்லது வெளுத்த நகங்கள் : நகங்கள் வழக்கத்தை விட மிகவும் வெளுத்துப் போய் காணப்பட்டால், ரத்தத்தில் ஹீமோகுளோபின் அளவு குறைவாக இருக்க வாய்ப்புள்ளது.

5. நீலநிற நகங்கள் : குழந்தையின் நகங்கள் நீல நிறமாகவோ அல்லது கருநீலமாகவோ மாறினால், உடலுக்குத் தேவையான ஆக்ஸிஜன் சீராகச் செல்லவில்லை என்று அர்த்தம். இது இதய அல்லது சுவாசப் பிரச்சனையின் அறிகுறியாக இருக்கக்கூடும் என்பதால் உடனடியாக மருத்துரை அணுக வேண்டும்.

6. நகங்களின் ஓரத்தில் சிவத்தல் மற்றும் வீக்கம்: நகத்தைச் சுற்றியுள்ள தோல் சிவந்து, வீங்கி வலியுடன் காணப்பட்டால், அது கிருமித்தொற்று அல்லது நகம் விரல் சதைகளுக்குள் வளர்வதைக் குறிக்கலாம்.

7. மெதுவான வளர்ச்சி: குழந்தைகளின் நகங்கள் வழக்கத்தை விட மிக மெதுவாக வளர்ந்தால், அது அவர்களின் ஹார்மோன் சமநிலையின்மை அல்லது பொதுவான ஊட்டச்சத்துப் பற்றாக்குறையைக் காட்டலாம்.

8. கோடுகள் விழுதல் : நகங்களின் மேல் நீளவாக்கில் அல்லது குறுக்காகக் கோடுகள் தென்பட்டால், அது சத்து குறைபாடு அல்லது உடல் சோர்வின் வெளிப்பாடாக இருக்கலாம்.

9. நகம் கடித்தல் பழக்கம்: குழந்தைகள் தொடர்ந்து நகங்களைக் கடித்துக்கொண்டே இருந்தால், அது மன அழுத்தம், பயம் அல்லது கவனக்குறைவுக் கோளாறின் அறிகுறியாக இருக்கலாம். இது கைகளில் உள்ள கிருமிகள் வயிற்றுக்குள் செல்ல வழிவகுக்கும்.

குழந்தைகளின் நகங்களை எப்போதுமே சுத்தமாகவும், சரியான அளவில் வெட்டியும் பராமரிக்க வேண்டும். மேலே குறிப்பிடப்பட்டுள்ள தீவிர அறிகுறிகள் ஏதேனும் தொடர்ந்து தென்பட்டால், உடனடியாக ஒரு குழந்தைகள் நல மருத்துவரை அணுகிப் பரிசோதனை செய்வது நல்லது.