மத்திய கிழக்கு பதற்றத்தைத் தணிக்க இலங்கை கோரிக்கை: ஈரானிய அமைச்சருடன் விஜித ஹேரத் சந்திப்பு!

நியூயோர்க்கில் நடைபெற்ற ஐக்கிய நாடுகள் பொதுச் சபையின் 81-ஆவது கூட்டத்தொடரின் (UNGA81) உயர்மட்டச் சந்திப்பின் இடையே, இலங்கையின் வெளிநாட்டலுவல்கள் அமைச்சர் விஜித ஹேரத், ஈரானிய வெளிநாட்டலுவல்கள் அமைச்சர் கலாநிதி செய்யத் அப்பாஸ் அராக்சியைச் சந்தித்துப் பேசினார்.

இச்சந்திப்பில் பிராந்திய மற்றும் சர்வதேச முன்னேற்றங்கள் குறித்து இரு தலைவர்களும் கருத்துக்களைப் பரிமாறிக் கொண்டனர். அப்போது, பிராந்தியத்தில் விரைவாக ஸ்திரத்தன்மையை மீட்டெடுக்க பேச்சுவார்த்தைகளைத் தொடருமாறு வலியுறுத்திய அமைச்சர் விஜித ஹேரத், அமைதிக்கான இராஜதந்திர முயற்சிகளுக்கு இலங்கையின் ஆதரவை மீண்டும் உறுதிப்படுத்தினார்.

மேலும், இக்கூட்டத்தொடரின் இடையே நேபாள வெளிவிவகார அமைச்சருடனும் அமைச்சர் விஜித ஹேரத் இருதரப்பு பேச்சுவார்த்தை நடத்தியது குறிப்பிடத்தக்கது.