மொரட்டுவை சொய்சாபுர அடுக்குமாடி குடியிருப்பில் திடீர் தீ விபத்து: ஒருவர் பரிதாப பலி; இருவர் மீட்பு!

இந்தத் தீ விபத்தில் கட்டடத்திற்குள் மூவர் சிக்கிக்கொண்ட நிலையில், அவர்களில் ஆண் ஒருவர் பரிதாபமாக உயிரிழந்துள்ளதாகப் பொலிஸார் தெரிவித்துள்ளனர். மற்ற இருவரையும் மீட்கும் நடவடிக்கைகள் தீவிரமாக நடைபெற்று வருகின்றன.

சம்பவ இடத்திற்கு விரைந்த மொரட்டுவை தீயணைப்புப் பிரிவினர், 2 தீயணைப்பு வாகனங்களைப் பயன்படுத்தித் தீயைக் கட்டுப்பாட்டிற்குள் கொண்டுவரும் முயற்சியில் ஈடுபட்டு வருகின்றனர்.

வீட்டிலிருந்த எரிவாயுக் கசிவே (Gas Leak) இந்தத் தீ விபத்திற்குக் காரணமாக இருக்கலாம் எனப் பொலிஸாரின் முதற்கட்ட விசாரணைகளில் சந்தேகிக்கப்படுகிறது. சம்பவம் தொடர்பில் மொரட்டுவைப் பொலிஸார் மேலதிக விசாரணைகளை மேற்கொண்டு வருகின்றனர்.