கால் ஆணியால் அவதியா? அறுவை சிகிச்சை இல்லாமல் வீட்டிலேயே சரிசெய்ய சூப்பர் டிப்ஸ்!

நடக்கும்போது பாதத்தில் ஊசி குத்துவது போலக் கடுமையான வலி ஏற்படுகிறதா? அது 'கால் ஆணி' (Foot Corn) பிரச்னையாக இருக்கலாம். தவறான அளவுள்ள காலணிகளை அணிவது, வெறும் காலில் நடப்பது மற்றும் பாதங்களில் அதிக அழுத்தம் ஏற்படுவது போன்ற காரணங்களால் தோலின் மேற்பகுதி தடிமனாகி கால் ஆணி உருவாகிறது.

அறுவை சிகிச்சை இல்லாமல், வீட்டிலேயே கிடைக்கும் எளிமையான பொருட்களைக் கொண்டு கால் ஆணியை விரட்ட சில சூப்பர் வழிமுறைகள் இதோ:

வீட்டு வைத்திய முறைகள்

மிதமான வெந்நீர் ஊறல்: ஒரு வாலியில் மிதமான வெந்நீர் ஊற்றி, அதில் சிறிதளவு கல் உப்பு அல்லது எப்சம் உப்பு (Epsom Salt) சேர்த்து, பாதங்களை 15-20 நிமிடங்கள் ஊற வைக்கவும். தோலின் தடிப்பான பகுதி மென்மையானதும், மெதுவாகத் தேய்த்துச் சுத்தம் செய்யலாம்.

மஞ்சள் மற்றும் மருதாணி: மஞ்சள் தூள் மற்றும் மருதாணி இலையைச் சம அளவில் எடுத்து நன்றாக அரைத்து, இரவில் தூங்கும் முன் கால் ஆணி உள்ள இடத்தில் வைத்துத் துணியால் கட்டி வரலாம். இதன் கிருமி நாசினி பண்புகள் தொற்றை நீக்கி வலியைக் குறைக்கும்.

பூண்டு மற்றும் கிராம்பு paste: பூண்டு பற்கள் மற்றும் கிராம்பை அரைத்து, அதை ஆணி உள்ள இடத்தில் இரவில் தடவித் துணியால் கட்டி வரலாம். பூண்டில் உள்ள அழற்சி எதிர்ப்பு பண்புகள் திசுக்களை மென்மையாக்கும்.

கற்றாழை (Aloe Vera): இயற்கை கற்றாழை ஜெல்லை தினமும் இரவில் கால் ஆணி மீது தடவி வந்தால், கடுமையான எரிச்சலும் வலியும் குறையும்.

தடுக்கும் வழிகள்

சரியான காலணிகள்: அதிகக் இறுக்கமான அல்லது மிகவும் தளர்வான காலணிகளைத் தவிர்த்து, பாதத்திற்குச் சரியாகப் பொருந்தும் மென்மையான Sole கொண்ட செருப்புகளை அணிய வேண்டும்.

பாதப் பராமரிப்பு: வெளியே சென்று வந்தவுடன் பாதங்களை நன்றாகக் கழுவி, ஈரப்பதம் குறையாமல் இருக்க மாஸ்சரைசர் (Moisturizer) அல்லது தேங்காய் எண்ணெய் தடவலாம்.

(குறிப்பு: சர்க்கரை நோய் (Diabetes) உள்ளவர்கள் சுய வைத்தியம் செய்வதைத் தவிர்த்து, மருத்துவரின் ஆலோசனையைப் பெறுவது பாதுகாப்பானது.)