முன்னாள் ஜனாதிபதி ரணில், சமன் ஏகநாயக்கவுக்கு எதிரான வழக்கு இன்று மீண்டும் விசாரணைக்கு!

அரச நிதியைத் துஷ்பிரயோகம் செய்ததாக எழுந்த சந்தேகத்தின் பேரில் குற்றப் புலனாய்வுத் திணைக்களத்தால் (CID) இவ்வழக்கு நீதிமன்றத்தில் தாக்கல் செய்யப்பட்டிருந்தது.

இச்சம்பவம் தொடர்பான விசாரணைகள் முழுமையாக நிறைவு செய்யப்பட்டு, அது தொடர்பான ஆவணங்கள் சட்டமா அதிபரின் ஆலோசனைகளுக்காகவும் மேலதிக நடவடிக்கைகளுக்காகவும் அனுப்பப்பட்டுள்ளதாகக் குற்றப் புலனாய்வுத் திணைக்களம் முன்னர் நீதிமன்றத்திற்கு அறிவித்திருந்தது.

இதற்கமைய, இது தொடர்பான சட்டமா அதிபரின் நிலைப்பாட்டை நீதிமன்றத்தில் அறிவிப்பதற்காகவே வழக்கை இன்று மீண்டும் அழைப்பதற்கு கொழும்பு கோட்டை நீதவான் பசன் அமரசேன ஏற்கனவே உத்தரவிட்டிருந்தார்.