நிர்ணயித்த இலக்கை முன்கூட்டியே அடைந்தது இலங்கை சுங்கத் திணைக்களம்

2026 ஆம் ஆண்டிற்காக இலங்கை சுங்க திணைக்களத்திற்கு 2,207 பில்லியன் ரூபா (ரூ. 2.207 டிரில்லியன்) வருவாய் சேகரிப்பு இலக்காக நிர்ணயிக்கப்பட்டிருந்தது. எனினும், அக்டோபர் 13 ஆம் திகதி வரையான காலப்பகுதிக்குள்ளேயே 2,208 பில்லியன் ரூபாவைச் சேகரித்து, திணைக்களம் தனது ஆண்டு இலக்கைக் வெற்றிகரமாகக் கடந்துள்ளதாக சுங்க ஊடகப் பேச்சாளர் தெரிவித்துள்ளார்.  

இறக்குமதி மேலாண்மை சீரமைப்பு, முறைகேடுகளைத் தடுக்கும் தீவிர கண்காணிப்பு நடவடிக்கைகள் மற்றும் டிஜிட்டல் மயமாக்கல் போன்ற திறம்பட செயல்படுத்தப்பட்ட சீர்திருத்தங்களே இந்த வருவாய் அதிகரிப்புக்கு முக்கியக் காரணம் என சுங்கத் திணைக்களம் சுட்டிக்காட்டியுள்ளது. 

மீதமுள்ள மாதங்களிலும் வருவாய் சேகரிப்பு தொடர்வதால், இந்த ஆண்டு இறுதியில் மேலும் ஒரு புதிய வரலாற்று சாதனை வருவாய் எட்டப்படும் என எதிர்பார்க்கப்படுகிறது.