உடல் எடையைக் குறைக்க உதவும் அருமையான 5 வாழைத்தண்டு ரெசிபிகள்!

உடல் எடையை வேகமாகவும் ஆரோக்கியமாகவும் குறைக்க நினைப்பவர்களுக்கு இயற்கை தந்த அருமருந்து தான் வாழைத்தண்டு. இதில் அதிகளவில் உள்ள நார்ச்சத்து மற்றும் நீர்ச்சத்து உடலின் கெட்ட கொழுப்பைக் கரைக்கவும், தொப்பையைக் குறைக்கவும் பெரிதும் உதவுகிறது. உடல் எடையை சர்ரென்று குறைக்க உதவும் 5 சுவையான வாழைத்தண்டு ரெசிபிகள் பற்றி வாங்க பார்ப்போம்!

1. வாழைத்தண்டு சாறு

எடை குறைப்பில் மிக விரைவான பலன் தரக்கூடியது இந்தச் சாறு.

செய்முறை: பொடியாக நறுக்கிய வாழைத்தண்டு, சிறிதளவு இஞ்சி, சீரகம், தயிர் அல்லது எலுமிச்சைச் சாறு சேர்த்து நன்றாக அரைத்து வடிகட்டி, சிட்டிகை உப்பு சேர்த்துப் பருகலாம்.

நன்மை: தினமும் காலையில் வெறும் வயிற்றில் குடித்து வர, உடலில் தேங்கியுள்ள நச்சுக்கள் வெளியேறி தொப்பை குறையும்.

2. வாழைத்தண்டு சூப்

மாலை நேர சிற்றுண்டிக்கு ஏற்ற ஆரோக்கியமான பானம்.

செய்முறை: வாழைத்தண்டைச் சிறு துண்டுகளாக நறுக்கி, பாசிப்பயறு, பூண்டு, வெங்காயம், தக்காளி சேர்த்து வேகவைக்க வேண்டும். பின்னர் அதனை அரைத்து வடிகட்டி, மிளகுத்தூள் மற்றும் கொத்தமல்லி தழை தூவி சூடாகப் பருகலாம்.

நன்மை: குறைந்த கலோரி கொண்ட இந்தச் சூப், வயிற்றை நிறைவாக வைத்து தேவையில்லாத பசியைக் கட்டுப்படுத்தும்.

3. வாழைத்தண்டு தயிர் பச்சடி

மதிய உணவிற்கு ஏற்ற சுவையான மற்றும் குளிர்ச்சியான உணவு.

செய்முறை: பொடியாக நறுக்கிய வாழைத்தண்டை லேசாக அவித்து, கெட்டித் தயிர், பச்சை மிளகாய், கடுகு தாளிப்பு மற்றும் உப்பு சேர்த்துப் பிசைந்தால் சுவையான பச்சடி தயார்.

நன்மை: செரிமானத்தை சீராக்கி, உடலின் வளர்சிதை மாற்றத்தை அதிகரிக்கும்.

4. வாழைத்தண்டு பொரியல்

பாரம்பர்ய சுவையில் மதிய உணவுக்கான சிறந்த கூட்டு.

செய்முறை: வாழைத்தண்டை நறுக்கி நார் நீக்கி, பாசிப்பருப்புடன் சேர்த்து வேகவைக்க வேண்டும். கடுகு, உளுந்தம்பருப்பு, வரமிளகாய் தாளித்து, தேங்காய்த் துருவல் தூவி இறக்கலாம்.

நன்மை: குடலைத் தூய்மைப்படுத்தி மலச்சிக்கலை முற்றிலும் போக்கும்.

5. வாழைத்தண்டு சாலட்

சமையல் செய்யாமல் அப்படியே சாப்பிடும் சத்தான முறை.

செய்முறை: பச்சையான வாழைத்தண்டு துண்டுகளுடன், ஊறவைத்த பாசிப்பயறு, துருவிய கேரட், கொத்தமல்லி, எலுமிச்சைச் சாறு மற்றும் உப்பு கலந்து சாப்பிடலாம்.

நன்மை: முழுமையான நார்ச்சத்தை அளித்து, உடலில் கொழுப்பு சேர்வதைத் தடுக்கும்.

குறிப்பு:

வாழைத்தண்டை நறுக்கியதும் கருப்பாகாமல் இருக்க, சிறிதளவு தயிர் அல்லது எலுமிச்சைச் சாறு கலந்த தண்ணீரில் போட்டு வைக்க வேண்டும்.