யாழ்ப்பாணத்தில் சுகாதார விதிமுறைகளை மீறிய உணவகங்களுக்கு 80 ஆயிரம் ரூபா தண்டப்பணம் விதிப்பு!

இதன்போது, குறித்த உணவகங்களில் பல்வேறு சுகாதார விதிமுறை மீறல்கள் கண்டறியப்பட்டன. அவற்றுள், எலிகளின் நடமாட்டம் காணப்படும் இடங்களில் உணவுப் பொருட்களை உற்பத்தி செய்தமை.

கழிவுநீரை வெளிச்சூழலில் வெளியேற்றி, காவிகளின் பெருக்கத்திற்கு ஏதுவான சூழலை உருவாக்கியமை. நச்சுப் பதார்த்தங்கள் உணவுடன் கலப்பதற்கான சாத்தியக்கூறுகளைக் கொண்ட பிளாஸ்டிக் பாத்திரங்களில் சூடான உணவுப் பொருட்களைக் களஞ்சியப்படுத்தியமை.

றெஜிபோம் பெட்டிகளில் சூடான ரொட்டிகளைச் சேமித்து வைத்தமை. போன்ற பாரதூரமான சுகாதார விதிமுறை மீறல்கள் அவதானிக்கப்பட்டன.

இக்குற்றச்சாட்டுகளின் அடிப்படையில், பருத்தித்துறை நகரசபையின் பொதுச் சுகாதாரப் பரிசோதகர் ப. தினேஸினால் குறித்த உணவகங்களுக்கு எதிராக பருத்தித்துறை நீதவான் நீதிமன்றத்தில் வழக்குகள் தாக்கல் செய்யப்பட்டன. அவ்வழக்குகள் 05 ஆம் திகதி வியாழக்கிழமை விசாரணைக்கு எடுத்துக்கொள்ளப்பட்டதைத் தொடர்ந்து, நீதிமன்றத்தினால் குறித்த உணவகங்களுக்கு   ரூ. 80,000 தண்டப்பணம் விதிக்கப்பட்டுள்ளது.