ரூ. 3 பில்லியன் போதைப்பொருள் மீட்பு: 5 பேர் கைது!

இலங்கைக்குத் தெற்கே உள்ள ஆழ்கடல் பகுதியில் நேற்று (04) மேற்கொள்ளப்பட்ட விசேட கடற்படை நடவடிக்கையின் போது, போதைப்பொருள் பொதிகளுடன் கடத்தப்பட்ட உள்நாட்டு நெடுநாள் மீன்பிடிப் படகு கடற்படையினரால் பொறுப்பேற்கப்பட்டது.

இதனைத் தொடர்ந்து, குறித்த படகு இன்று காலை திக்கோவிட்ட மீன்பிடித் துறைமுகத்திற்கு அழைத்துவரப்பட்டு, அங்குள்ள 10 பொதிகளில் இருந்த போதைப்பொருட்கள் சோதனைக்கு உட்படுத்தப்பட்டன.

இங்கு களத்திற்கு நேரில் சென்று பார்வையிட்ட பாதுகாப்புப் பிரதி அமைச்சர் அருண ஜயசேகர ஊடகங்களுக்குக் கருத்துத் தெரிவிக்கையில், கைப்பற்றப்பட்ட தொகுதியில் 50 கிலோவிற்கும் அதிகமான ஹெரோயின் மற்றும் 100 கிலோவிற்கும் அதிகமான ஐஸ் போதைப்பொருள் காணப்படுவதாகவும், இதன் சந்தைப் பெறுமதி 3 பில்லியன் ரூபாய்க்கும் அதிகம் என்றும் தெரிவித்தார்.

நாட்டிலிருந்து போதைப்பொருளை ஒழிக்க அரசாங்கம் முழுமையான நடவடிக்கைகளை எடுத்து வருவதாகக் குறிப்பிட்ட பிரதி அமைச்சர், 2026-ஆம் ஆண்டின் கடந்துபோன காலப்பகுதியில் மட்டும் 69 பில்லியன் ரூபாய் பெறுமதியான போதைப்பொருட்கள் கடற்படையினரால் பொறுப்பேற்கப்பட்டுள்ளதாகவும் சுட்டிக்காட்டினார்.

கடத்தல்காரர்களுக்கு அரசாங்கத்திடமிருந்து தப்பிக்க வழியில்லை எனக் எச்சரித்த அவர், போதைப்பொருள் கடத்தல் குறித்த தகவல்களை 1818 என்ற அவசர தொலைபேசி இலக்கத்தின் ஊடாகத் தெரிவிக்குமாறு பொதுமக்களுக்குக் கோரிக்கை விடுத்துள்ளார்.