வெளிநாட்டு வேலை மோசடி: தலைமறைவான பெண் பிடிபட்டார்!

வெளிநாடுகளுக்கு வேலைக்கு அனுப்பிவைப்பதாகப் பொதுமக்களை ஏமாற்றிப் பண மோசடி செய்த வழக்குகளில், நீதிமன்றத்திற்குத் தொடர்ச்சியாகச் சமூகமளிக்காமல் தலைமறைவாகியிருந்த பெண் ஒருவரே இவ்வாறு கைது செய்யப்பட்டுள்ளார்.

சந்தேகநபருக்கு எதிராக வெலிசறை நீதவான் நீதிமன்றத்தினால் மாத்திரம் மொத்தம் 12 பிடியாணைகள் பிறப்பிக்கப்பட்டிருந்ததாகப் பொலிஸ் ஊடகப் பிரிவு தெரிவித்துள்ளது.

ராகமப் காவல்துறை நிலையத்திற்குக் கிடைத்த இரகசியத் தகவலை அடுத்து, நேற்று (04) இரவு முன்னெடுக்கப்பட்ட விசேட சோதனையின் போது, ராகம - ஹிங்கெந்த பகுதியில் வைத்து இவர் கைது செய்யப்பட்டுள்ளார்.

கைது செய்யப்பட்டவர் ராகமப் பகுதியைச் சேர்ந்த 40 வயதுடைய பெண் என்றும், அவரை இன்று (05) வெலிசறை நீதவான் நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளதாகவும் காவல்துறையினர் தெரிவித்தனர். சம்பவம் தொடர்பில் ராகமக் காவல்துறையினர் மேலதிக விசாரணைகளை முன்னெடுத்து வருகின்றனர்.